ÅRSMELDING 1995

1995 har vore eit svært godt år år for Atløy.

Tidlig i år såg mange, mellom anna Kystmuseèt, ein fare for at ein ikkje ville kunne halde M/S Atløy i Florø, då mange vedlikehaldsoppgåver var nøydde til å løysast (med høg eigeninnsats). Passasjersertifikatet var utgått p.g.a. påleggsliste frå skipskontrollen, og aktiviteten var låg. Det hadde meldt seg interresenter både frå Over stokk og Stein og frå Dalsfjord-området (m.a. Hauglandssenteret / United World College) for å overta ansvaret for drifta av båten. Begge desse hadde kapasitet til å overta ansvaret, men det ville medført ei flytting frå Florø. Mange såg det som ønskjeleg å halde båten i Florø, då dei følte at det var her båten høyrde heime.

Med bakgrunn i dette var det det kalla inn til folkemøte i slutten av mars, og ideen om ei ny venne- foreining vart lufta. På bakgrunn av dette møtet vart Atløys Venner stifta 27.04.95. Foreininga har som formål å støtte drift og vedlikehald av M/S Atløy, og halde den i Florø. Dette skal skje i samarbeid med Andelslaget Atløy, og Kystmuseet i Sogn og Fjordane. Det følgjande vert ei oppsummering av arbeidet så langt.

ØKONOMI
Atløys Venner har pr. i dag i overkant av 17.000,- på kto. I tillegg har vi 65.000,- til gode hos Norges Sildesalslag for arbeid på Rota. Totalt har Rota prosjektet innbrakt ca 140.000,- netto og pengane er for ein stor del nytta til brodekk (utført av Svanøy Båtbyggeri) og diverse vedlikehald. Resterande pengar vil m.a. verte nytta til overhaling av hovedmotor og hjelpemotorar. Vert det pengar til overs vil desse verte nytta til tak på broa.

Atløys Venner har fortsatt kontakt med Sildesalslaget for eitt nytt oppdrag, med ei brutto inntekt antyda til 250.000. Dersom vi får denne, og utfører det på rimelig vis, burde inntjeninga kunne bli svært bra.

DUGNAD
Dugnadsinnsatsen har vært jamn utover heile sesongen. Vi starta opp med ein god del arbeid i mai/juni for å få skuta klar til utleige. Dessverre kom arbeidet for seint i gang, og mange potensielle oppdrag gjekk fløyten. Vi forutset å være ferdig til 1. mai i år. Mange har vært innom på forskjellige oppdrag, men jamnt over er vi ein stamme på 8 - 10 personar som arbeider. P.t. er det fast dugnad kvar måndag, men det er stort sett folk ombord kvar dag.

 Av oppgåver utover vanlig vedlikehald, kan nemnast;

• Forbereding og laging av nye spant, utskifta av Mastrevik Mek. Verksted. Nedlegging av    sement/ballas etter innsetting av nye spant.

• I samarbeid med Over Stokk og Stein oppusing av bondestova

• Slipping på Johanssen slipp i Måløy

• Kutting og nedlegging av 2.500 kgs ballast

• Total overhaling Deutz

• Ein del reparasjonar på HM og Leyland

• Rustpikking og opprensking av det meste av skrog og spant under dekk, i lasterom, hekk  og skarpen.

• Montering av utstyr og behandling av dekk etter utskifting av brodekk på Svanøy.  Nedsliping av bru utvendig

• Utskifting av byssedørk etter pålegg frå Skipskontrollen

• Gjennomgått vinsj og vinsjrerør etter at denne var av. Noe rør, b.l.a. i lasterom byttet.

• Utskifting av plate og lyre i båtmannskap.

• Overhaling av sentralfyr. I tillegg er montert ein del elektriske omnar.

• Arbeid i forhold til presse i forbindelise med forslag til statsbudsjett. Resulterte i 4 artiklar     og innslag på NRK S og Fj.

Av arbeid framover før mai ser vi behov for å gå over alle rekker p.g.a. kantar og rust, oppbygge aktre 1. plass salong med finer/mahogny, sandblåse mast og bom, skifte styrehustak. Alle krakkar og «dørmatter» må pussast opp, ein treng nytt trallverk over styremaskin (kommer som gåve frå Framdansen), kapteins- og båtsmannslugar må pussast opp. Hovudmotor skal overhalast og Leyland bør overhalast. Ein del plater skal skiftast i taket på maskinrommet. Båtdekket bør snart skiftast, men dette vil vi sannsynligvis ikkje kunne ta utan stønad frå Riksantikvaren eller andre.

Totalt har det pr dato gått med over 2.500 dugnadstimar. Talet er nok høgare, men dette er det vi har registrert.  Pr. 31.12. fordeler det seg slik;  

Med arbeidstart i månadsskiftet april/mai, tilsvarar dette i overkant av 2 årsverk (340 timar pr. månad)

OPPSUMERING
Med betalt tilskot (91.129,61), mannskapsdugnad, arbeid ombord  er totalt tilskot frå Atløys Venner til drifta av M/S Atløy pr. 31.12.95.berekna til  308.786,60 kroner.  Arbeidet går framleis bra, og vi meiner den for så vidt høge aktiviteten tilseier ei framleis tilknyting til Florø og «vårt» miljø. Vi har vist at  vi både evner å skaffe midlar, og folk til dugnad.

Minst like viktig som det denne aktiviteten tilfører båten ,er den auken i interesse for kystkultur og vår nære historie arbeidet medfører. Hovudmålet er jo trass alt å halde båten som eit levande minne «gamledampen», og den revolusjon den medførte for vårt distrikt for over 100 år sidan. Det vert sagt at når Nordre Bergenhus Amt valde å satse på maskindrevne fartøy for gods- og passasjerberfordring, var dette like revolusjonerande som om ein i dag skulle satse på romferjer i staden for «ekspressen».  

Florø 12.01.1996.

ATLØYS VENNER
 6900 FLORØ 
Telefon: Leiar: 91 59 40 89,   fax:  57 74 61 01,  Ombord: 90 50 10 10 
  Org.nummer: 932 326 701, Kallesignal: LFND
E-post:  leiar@atloy.no,   web@atloy.no,   Heimeside:  http//www.atloy.no