1998 har vore nok eit godt år for Atløy.

Slik har kvar årsmelding opna sidan vi starta med Atløys Venner. I år er det fortsatt mykje sant i det, men vi slit hardt med ein anstrengt økonomi både i Andelslaget og Venneforeininga. Vi har ikkje hatt pengar sidan september, og dette har naturlig nok prega eigne mogelegheiter til å utføre ein del av dei tinga som synest turvande. B.l.a. må vi regne  med at Leyland hjelpemotor må skiftast om ikkje altfor lenge. Den er fortsatt i brukbar stand, men bruker pr dato like mykje olje som diesel. Vi har sett på kostnaden ved overhaling, men denne synest uforholdsmessig høg. Denne maskina vart sett inn etter at båten gjekk ut av rute, og det er såleis heller ingen antikvariske argument for å ta vare på henne. Beste alternativet ser derfor ut til å være å kjøpe ny, eller evt. nybrukt. Vidare bør vi snarast råd få investert i ein høveleg opplagspresening, slik at det arbeidet som er gjort vert sikra.

Det er allikevel mykje positivt å peike på. Arbeidet på Hardanger Fartøyvernsenter, med støtte frå Riksantikvaren held fram, og vi har no fått skifta fordekket. Arbeidet vil fortsette hausten 99, og vi har foreløpig fått tilsagn om oppattbygging av begge lugarar på båtdekk, og postlugaren. Vonaleg vil vi også få midlar til oppattbygging av 2. klasse salong forut. Her er no på det meste allt reve ut og klargjort for inspeksjon frå Skipskontrollen. For å bøte på økonomien har i starta eit prosjekt med det famøse namnet ”Atløy 2000”, som vi håpar kan styrke aktiviteten og legge ein botn i økonomien for båten. Når det gjeld foreiningsarbeid har vi no kome igang med månadlige inforbrev til alle medlemmer, og vi har også fått ferdig medlemsbasen på data. Dette gjer at vi vil få større oppslutnad gjennom informasjon, samtidig som vi lettare kan få ut den samme informasjonen.

ØKONOMI
Som sagt er begge lag prega av dårlig økonomi, og har pr dato (04/03/99) null på konto. Hovedgrunnen til den dårlige sesongen er først og fremst dårlig vær. På det beste var vi oppe i 7 timar samanhengande sol, og slikt stimulerer ikkje akkurat lysta til å dra på tur med Atløy. Ein annan forklaring er dårlige tider for næringslivet generellt og oljeindustrien spesiellt. Dette har ført til ein meir restriktiv bruk av pengar, og blåtur/firmaturar er vel blant det første det blir kutta på. Vi ser derfor eit sterkt behov til å bearbeide også andre segment. Vidare var vi uheldige med ein stortur i Dalsfjorden på grunn av maskinproblem, og gjekk dermed glipp av ca 35.000,-. Pengane frå Sildelaget står fortsatt ute, og Øymål v/Arild Karlsen skylder oss fortsatt 5.500,- på 3de året. Når desse pengane kjem inn vil vi ha ein pluss på 14.500.

Andelslaget har tatt opp eit kortsiktig lån på 50.000,- frå Fylkeskultursjefen for å betale siste rest på Hardanger Fartøvernsenter. Pengane er garantert for av medlemmene i styret av Andelslaget. Vidare er det lånt 10.000,- privat. Differansen frå Hardanger skyldes først og fremst at ein i fjor bestemte seg for oregon pine på båtdekket i staden for furu. Dette ga ein ekstrakostnad på ca 30.000,-. På den positive sida ha vi fått 25.000 av ABB i Førde i form av overhaling av generator.  

Atløy 2000 er godt i gang, og vi legg opp eit  prosjekt mot 4 til 5 hovudsponsorar, og eit ubegrensa antall mindre sponsorar. Tanken er at desse skal gå inn med ein årleg fast sum til eit fond styrt av dei samme sponsorane saman med andelslaget og Atløys Venner. Lag og organisasjonar kan søke om pengar frå fondet for bruk til leige av Atløy. Dei må sjølve betale delar av kostnaden, mens resten vert dekka av fondet. På denne måten får sponsorane profilert seg to gonger; ved å støtte Atløy og samtidig ovanfor lag og organisasjonar som ynskjer å bruke båten. Det set og igang ein positiv tankeprosess hos dei same laga, som må bruke tid på planlegging og søknad. For vår eigen del vert gleda større, då vi rekk ut til fleire og meir aktivt kan formidle Atløy som den kystkulturbærar vi ønskjer den skal være. Prospekt er utarbeida, og ”salget” er såvidt kome i gang.

I reine pengar er det i 1998 overført ca 7.000,- frå Atløys Venner til Andelslaget. Desse pengane er gått til betaling av divesre regningar, og kan dokumenterast gjennom A/L Atløy sin rekneskap. I tillegg har Atløys Venner kjøpt deler og materiell nødvendig for drifta for 73.720,-

DUGNAD 
Det er i år gått med noko mindre dugnad enn dei tidligare år, men vi bikkar alikevel 3.000 timar. Dugnaden har vært konsentrert rundt ferdigstilling etter at båten kom tilbake frå Fartøyvernsenteret, mannskapsjobbing i sommar og klargjering for vidare arbeid i Norheimsund. I tilleg var vi to turar i Norheimsud, b.l.a. var 3 medlemmer nede og arbeidde gratis i ei veke. Pr. 31.12. fordeler det seg slik;  

Som ein ser er vedlikehaldsarbeidet ombord redusert med nesten 50% i forhold til i fjor. Det er ikkje berre behovet som har styrt dette, men og det at vi har hatt båten liggande ved Quality Maritim Hotel. Dette har  ikkje stimulert til den store innsatsen. Folk likar ikkje å arbeide på utstilling, i tillegg til at vi har ønska at båten til ei kvar tid skal ta seg bra ut. Arbeidet framover vil for ein stor del bestå av å fortsette å rive 2de plass lugar og slipping. Vinsj og rigg må på plass, og ein del maling vert det også. Det store spørsmålet blir allikevel kva Skipskontrollen vil sei under slipping, og om vi maktar dei utbetringane som evt. vil komme. Vi håpar vidare at arbeidet kan fortsette ved Fartøyvernsenteret til hausten. Vi må også snarast ta til med preservering av reservedelsmotoren.

TURAR
Atløys Venner har hatt 3 fellesturar i sommar, som alle var ein suksess. Første turen gjekk til Bulandet, så var vi ein tur til Jacob Sandefestivalen, og til slutt gjentok vi suksessen med Suletur. Vestkysten Reiseliv stod for salet av alle turar, noko som har ført til ein del misnøye, både på grunn av høge satsar og litt dårlig informasjon som har ført til mistydingar. Denne sesongen vil vi også selje sjølve, og det vert arbeidd med ein ny avtale med Veskysten som må behandlast av Andelslaget. For neste sesong er det foreløpig booka 15 turar.

LAGERPLASS - VERKSTAD 
Vi arbeider stadig med å finne « ein stad å være ». Tidlig i vår heldt vidugnad for Kystmuseet som har fått lån henga i Ausa av Global i fem år. Vi har lagt inn ein del av våre ting der, men det er absolutt ingen god plass for maskindeler o.l. Det vi har av reservedeler er lagra på ei bu ved Solheim diesel, men heller ikkje her kan vi rekne med å være lenge. Den brukte maskina vi kjøpte i fjor står fortsatt lagra ute på Kværner sitt område, og det hastar med å finne eigna plass til denne. Vi har derfor arbeidd aktivt med fleire forskjellige alternativ (Kringleskjæret, Hellesenbua, eigen hall ved flyplassen, Rubbhall) uten at vi har kome lenger. Dette arbeidet må prioriteras i 99.

OPPSUMMERING
Med betalt tilskot direkte till drifta (80.720 kroner), mannskapsdugnad og arbeid ombord  er det i -98 totalt tilført drifta av M/S Atløy   532.240 kroner  frå Atløys Venner. Timesatsen er sett til 115 kroner for vanleg arbeid, og 220 kroner for arbeid som erstattar hjelpearbeidar på verft.

Arbeidet går framleis bra, og miljøet er godt. Arbeidet vidare med Rikantikvaren/Fartøyvernsenteret fortsett vonaleg. Vi har ein stor utfordring med å sikre laga sin økonomi, og vi må arbeide vidare med landbase, slik at vi kan lagre reservedelar forsvarlig, og ha ein stad å arbeide.

Florø 03.03.1999  

ATLØYS VENNER
 6900 FLORØ 
Telefon: Leiar: 91 59 40 89,   fax:  57 74 61 01,  Ombord: 90 50 10 10 
  Org.nummer: 932 326 701, Kallesignal: LFND
E-post:  leiar@atloy.no,   web@atloy.no,   Heimeside:  http//www.atloy.no